Գերմանական Manhart աթելիեն ներկայացրել է Range Rover Velar քրոսովերի հզորացված մոդիֆիկացիան: Արտադրողականությունը մեծացվել է շարժիչի չիփ-թյունինգի և արտանետման համակարգի կատարելագործման շնորհիվ: Նոր SV600-ը առաջարկում է նաև ֆիրմային ռետրո-վերդիրներ և 23-դյույմանոց տասը շյուղանի սկավառակներ:

Նախագծի հիմքում ընկած է Range Rover Velar SVAutobiography Dynamic ամենաբարձր համալրումը, որը սարքավորվում է հինգ լիտր ծավալով V8 բենզինային շարժիչով: Գործարանային տարբերակը զարգացնում է 550 ձ.ուժ հզորություն և 680 Նմ ոլորող մոմենտ, սակայան կառավարման էլեկտրոնային բլոկի վերածրագրավորման շնորհիվ դրա արտադրողականությունը հասցվել է 600 ձ.ուժ-ի և 680 Նմ ոլորղ մոմենտի:

Մոդերնիզացված քրոսովերի ընթացային բնութագրերը չեն բարձրաձայնվում, սակայն կարելի է ենթադրել, որ Velar SV600-ը 0-ից 100 կմ/ժ արագությունը զարգացնում է 4,5 վայրկյանից ավելի արագ, իսկ առավելագույն արագությունը գերազանցում է 274 կմ/ժ: Ներկայացված Manhart Velar SV600-ը սարքավորված է «սթոքային» արգելակներով, և պահպանել է օրիգինալ սրահն ու ստանդարտ շասսին: Միևնույն ժամանակ Manhart-ի մասնագետները պատրաստ են պատվիարտուի ցանկությամբ կատարելագործել նաև ընթացային մասն ու նորովի լրամշակել ինտերիերը:

Արտաքինից թյունինգապատ Velar-ը կարելի է ճանաչել 23-դյույմանոց սև սնդուսափայլ Manhart սկավառակներով և 285/35 R23 չափսի ցածրապրոֆիլ Continental անվադողերով: Յուրօրինակ է նաև արտանետման համակարգի ձայնը, որի որակի վրա ազդում են էլեկտրակառավարվող փականները և կատալիտիկ չեզոքացուցիչի կառուցվածքը:

SV600 թյունինգ-փաթեթի արժեքը նույնպես չի բարձրաձայնվում, սակայն, հաշվի առնելով կատարված փոփոխությունների համեստ ծավալը, այն համեմատելի կլինի հենց SVAutobiography Dynamic համալրման արժեքի հետ, որը Մեծ Բրիտանիայում առաջարկվում է՝ սկսած 86 725 ֆունթ սթերլինգից: