Բրիտանական Brand Finance-ը, որը հանդիսանում է հեղինակային ապրանքանիշերի գնահատման առաջատար ընկերություններից, ներկայացրել է 500 ամենաթանկ ապրանքանիշերի ցանկը։ Ըստ այդմ, առաջին տեղում է Amazon-ը՝ 220․791 միլիարդ դոլարով։ Վերջին մեկ տարվա ընթացքում ընկերությունն աճել է 17.5%-ով։ Ի դեպ, ընկերությունը միակն է, որը գերազանցել է 200 միլիարդ դոլարի շեմը։

Ավտոարտադրության մեջ առաջին հորիզոնականը զբաղեցրել է Mercedes-Benz-ը՝ 65.041 միլիարդ դոլարով (+7.8%): Բացի այդ Mercedes-Benz-ը Եվրոպայի ամենաթանկ ապրանքանիշն է:

Ի դեպ, ավտոապրանքանիշերի մեջ երկրորդ հորիզոնականը զբաղեցրել է Toyota-ն (58.076 միլիարդ դոլար, +11.1%)։ Այդ հորիզոնականը համընկել է ընդհանուր ցուցակի տասնհինգերորդի հետ։ Բրոնզե դափնեկիր դարձավ Volkswagen-ը (44.897 միլիարդ դոլար, +7.6%)։ Ընկերությունը շրջանցեց YouTube-ին (44.476 միլիարդ դոլար, +17.5%)։ Չորրորդ հորիզոնականն ավտոապրանքանիշերի մեջ զբաղեցրեց BMW-ն (40.483 միլիարդ դոլար)։ Հետաքրքիրն այն է, որ ընկերությունը ցույց է տվել լավ ցուցանիշ, սակայն այն վերջին տարվա ընթացքում աճ չի գրանցել։ Mitsubishi ընկերությունը ցույց տվեց հետաքրքիր արդյունք (37.652 միլիարդ դոլար, +42.8%)։ Այն զբաղեցրել է հինգերորդ հորիզոնականն ավտոապրանքանիշների մեջ (ընդհանուր ցուցակում՝ 35-րդ):

Ընդհանուր ցուցակի 2-րդ և 3-րդ տեղերը զբաղեցրել են Google-ը (159.722 միլիարդ դոլար, +11.9%) և Apple-ը (140.524 միլիարդ դոլար, -8.5%):

Ferrari-ն անվանվել է ամենահզոր ապրանքանիշ: Ապրանքանիշի հզորությունը, հաշվարկվում է մասնագետների կողմից, անկախ ապրանքանիշի գնից: Հաշվի են առնվում ներդրումները, բիզնեսի արդյունավետությունը և այլ ցուցանիշներ: Հզորությունը չափվում է Brand Strength Index (BSI) բալերով և Ferrari-ն հավաքել է 94.1 100-ից: Իտալական ապրանքանիշին տրվել է AAA+ ամենաբարձր գնահատականը: Հզորության ցուցակի երկրորդ հորիզոնականը զբաղեցրել է Disney-ը վաստակելով 93.9 բալ, իսկ երրորդ տեղը՝ WeChat ընկերությունը՝ 92.9 բալով: