Toyota ընկերությունը ցուցադրել է ճապոնական շուկայի համար նախատեսված GR Supra RZ կուպեի նոր տարբերակը: Մոդելը ստացել է բացառիկ ձևավորում՝ եզակի Storm Grey գույնով, իսկ մեքենան ձեռք բերելու հնարավորություն կունենան հատուկ վիճակախաղում հաղթած հաճախորդները:

Նորացված Toyota GR Supra-ն առանձնանում է ուժեղացված թափք և վերակարգավորված կախոց: Սակայն գլխավոր տարբերությունը ավելի հզոր շարժիչն է: Երեք լիտրանոց շարային վեցգլանանի ագրեգատը զարգացնում է 387 ձ.ուժ հզորություն, ինչը 47 ձիաուժով ավելին է, քան նախորդ տարբերակինը: Առավելագույն ոլորող մոմենտը չի փոփոխվել՝ 500 Նմ: Շարժիչը համակցվում է ութաստիճան ավտոմատ փոխանցումատուփի հետ: Տեղից մինչև 100 կմ/ժ արագություն հավաքելու համար սպորտկարին անհրաժեշտ է 4,1 վայրկյան (մինչ այդ թափառքը պահանջում էր 4,3 վայրկյան):

Ճապոնական շուկայում Supra-ն կառաջարկվի նաև «Horizon Blue Edition» տարբերակով, իսկ հաճախորդները կստանան նաև սև փայլատ 19-դյույմանոց կոփած անվասկավառակներ, ինչպես նաև կաշվով և ալկանտարայով լրամշակված սրահ, որտեղ նկատելի կլինեն նստատեղերի, սարքավորումների վահանակի, դռների պաստառների և ղեկանիվի կապույտ դարձակարերը: Ընդհանուր առմամբ կթողարկվի 100 օրինակ նման ավտոմեքենա՝ 7 413 000 իեն արժեքով (մոտավոր 33 380 000 դրամ):

Ավելի բացառիկ Storm Grey (գորշ փայլատ մետալիկ) գույնի կուպեն կթողարկվի ընդամենը 27 օրինակով և հասանելի կլինի 7 665 000 իեն արժեքով (մոտավոր 34 515 000 դրամ): Մեքենան ձեռք բերելու համար անհրաժեշտ կլինի թողնել օնլայն-հայտ, ինչից հետո բոլոր ցանկացողների միջև կանցկացվի վիճակահանոթյուն: Հաղթողները կստանան իրենց Supra-ները ընթացիկ տարվա հոկտեմբերին: