Ինչպես ենք մենք հիշում հայտնի ապրանքանշանները

Ինչպես ենք մենք հիշում հայտնի ապրանքանշանները

Երեքշաբթի, 21 ապրիլի, 2020 թ.

Մենք սիրում ենք մտածել, որ լավ հիշում ենք հայտնի ապրանքանշանների յուրաքանչյուր մանրուքը, սակայն ամեն ինչ այդքան միանշանակ չէ: Պարզվում է, որ հիշողությամբ այդ ապրանքանշանները պատկերելը այդքան էլ հեշտ չէ, որքան թվում է առաջին հայացքից:
Բրիտանական Van Monster ընկերությունը խնդրել է 100 մարդու պատկերել 10 ավտոարտադրողների ապրանքանշանները: Այս միջոցառման ընթացքում մասնակիցների միայն որոշ մասն էր լավ պատկերել այդ ապրանքանշանները: Այս հետազոտության արդյունքում պարզ դարձավ, թե ապրանքանշանների որ մասնիկներն են առավել հիշվող և որոնք՝ շուտ մոռացվող:

Audi

Երևի թե սկսենք ցուցակի ամենապարզ ապրանքանշանից: Audi-ի 4 հատվող օղակները խորհրանշում են Auto Union-ի մեջ մտնող 4 արտադրողների. Audi, Horch, DKW և Wanderer, որոնք միավորվեցին 1932 թ.:

Մարդկանց 7%-ը չկարողացավ հիշել ապրանքանշանը, 14%-ը շփոթել էր օղակների քանակը, իսկ 5%-ը պատկերել էր օլիպիական օղերի պատկերը, և դա զարմանալի չէ, քանի որ Միջազգային օլիմպիական կոմիտեն 1995 թ. փորձեց դատի տալ գերմանական ավտոարտադրողին նման ապրանքանշանի համար:

Alfa Romeo

Ցուցակում երկրորդը Alfa Romeo-ի ապրանքանշանն էր՝ ամենադժվար հիշվողներից մեկը: Ապրանքանշանը կազմված է 2 գլխավոր մասերից. կարմիր խաչից, որը Միլանի խորհրդանիշն է և օձից, որը Իտալիայի ամենազդեցիկ ընտանիքներից մեկի՝ Վիսկոնտի ընտանիքի խորհրդանիշն է:

Զարմանալի չէր, որ մարդկանց 74%-ը չէր հիշել կարմիր խաչի մասին, 63%-ը կանաչ օձի մասին, 25%-ը օգտագործել էր վահան, իսկ 13%-ը չէր օգտագործել ճիշտ գույների համադրությունը:

BMW

BMW-ի ապրանքանշանի պարզ դիզայնը զուգորդվելով անփոփոխ գույների հետ, թույլ տվեց մասնակիցներին հեշտությամբ հիշել այն: Ապրանքանշանը ստեղծվել է 1927 թ. և իր մեջ ներառել է Rapp Motorenwerke-ի նշանն ու Բավարիայի դրոշի գույները: Ի դեպ, հենց Rapp Motorenwerke-ից է առաջացել այժմյան BMW-ն:

Մասնակիցների 92%-ը օգտագործել էր սպիտակ և կապույտ գույները, ինչպես նաև 93%-ը պատկերել էր այն շրջանաձև, 59%-ը օգտագործել էր կվադրանտի պատկերը:

Ferrari

Չնայած նրան որ, շատերը Ferrari ամեն օր չեն տեսնում, շատերը հիշում են նրա ապրանքանշանը, քանի որ այն հայտնվում է ամենուր. ժամացույցների, պայուսակների, հագուստի և այլ ապրանքների վրա: Ոգեշնչվելով կոմսուհի Պոլինայի խոսքերից, որը ասում էր, որ դա նրան հաջողություն կբերի, Էնցո Ֆերրարին իր մրցարշավային մեքենայի վրա ձի է պատկերում: Հետագայում նա ավելացնում է դեղին ետնաշերտը, որը խորհրդանշում էր իր ծննդյան քաղաքը՝ Մոդենան, իսկ ավելի ուշ՝ նաև իտալական դրոշի գույները:

Մարդկանց 88%-ը օգտագործել էր դեղին գույնը, 82%-ը փորձել էր պատկերել ձի, 49%-ի մոտ կար Ferrari գրվածքը, և միայն 15%-ն էր հիշել իտալական դրոշի մասին:

Ford

Ford-ի ապրանքանշանը գրեթե չի փոփոխվել ընկերության 117-ամյա պատմությամ ընթացքում: 1902 թ. հայտնի գրվածքը փոխեց իր ոճը, իսկ 20 տարի անց պատկերի ետնաշերտը դարձավ կապույտ:

Ford-ի ապրանքանշանի պատկերը լավ տպավորվել է մարդկանց հիշողության մեջ ու մասնակիցների միայն 10%-ը չէր հիշել այն: 89%-ը օգտագործել էր ճիշտ գույն և ձվածիր տեսք, իսկ 58%-ը ճիշտ էր պատկերել շեղ գրվածքը:

Peugeot

Peugeot-ի ապրանքանշանի վրա պատկերված է առյուծ, որի տեսքը փոփոխվել է պատմության ընթացքում, բայց հանդիսացել է ընկերության միակ այցեքարտը: Ի դեպ, առյուծով ապրանքանշանը գրանցվել է 1858 թ. Էմիլ Պեժոյի կողմից:

Հանրության համար Peugeot-ի ապրանքանշանը ամենադժվարներից էր. մարդկանց 30%-ը չէր հիշել այն ընդհանրապես, իսկ 20%-ը պատկերել էր այլ կենդանի. թևավոր ձի, անշունչ միջատ կամ կետ: Այն 58 մարդկանցից, որոնք պատկերել էին առյուծի նման կենդանի, 25 պատկերել էին այն սխալ ուղղվածությամբ:

Renault

1898 թ. Լուի, Մարսել և Ֆերնան Ռենո եղբայրների հիմնած ընկերության առաջին ապրանքանշանը կազմված էր իրենց անունների սկզբնատառերից: Հետագայում այդ պատկերն ենթարկվեց մի շարք փոփոխությունների և միայն 1920 թ. ձևավորվեց հայտնի շեղանկյունաձև տեսքը:

Զարմացրին Renault-ի արդյունքները՝ մասնակիցների 11%-ը պատկերել էր այլ ֆրանսիական ընկերությունների ապրանքանշաններ, այնուամենայնիվ 71%-ը հիշել ու ճիշտ էր պատկերել շեղանկյունը:

Toyota

Ընկերության առաջին ապրանքանշանը ստեղծվել է բաց մրցույթի ժամանակ, որի ընթացքում Toyoda-ի ավնանափոխման տարբերակ առաջարկվեց հենց Toyota անվանումը: Միայն 1989 թ.՝ ընկերության 50-ամյակի կապակցությամբ, ներկայացվեց ապրանքանշան, որը մինչ օրս էլ անփոփոխ է: Այն շատ բաներ է խորհրդանշում, սակայն հիմնականը այն է, որ 2 հատվող ձվածիրները ցույց են տալիս ընկերության անվան առաջին տառը:

Toyota-ի դեպքում նույնպես առաջացան որոշ խնդիրներ, սակայն դրանք կանխատեսելի էին: Մարդկանց 32%-ը չէր պատկերել հատվող ձվածիրները, որոնցից 12%-ը պատկերել էր T տառը, իսկ 19%-ը չէր հիշել ապրանքանշանի ոչ մի մասնիկ, և միայն 16%-ն էր ճիշտ պատկերել հատվող ձվածիրները:

Vauxhall

1857 թ. ի վեր՝ ընկերության հիմնադրման պահից, Vauxhall-ի ապրանքանշանը կենտրոնացած էր գրիֆոնի շուրջ: Այդ դիցաբանական արարածը, որն ունի առյուծի մարմին և արծվի թևեր ու գլուխ, ոգեշնչված է ընկերության հիմնադրման վայրի՝ Լութոն շրջանի զինանշանով: Պատմության ընթացքում ապրանքանշանը մի շարք փոփոխությունների է ենթարկվել, սակայն գրիֆոնը միշտ մնացել է ուշադրության կենտրոնում:

Ակնհայտորեն գրիֆոնի պատկերման գործում մարդիկ դժվարացան: Մասնակիցների միայն 48%-ն էր փորձում պատկերել այդ արարածին և միայն 14%-ի մոտ էր այն ստացվել: Փոքր մասնիկները մոռացվել էին, օրինակ՝ V տառը պարունակող դրոշը, որի մասին հիշել էր մասնակիցների ընդամենը 9%-ը:

Volkswagen

Եվ վերջապես, ամենահաջողվածը Volkswagen-ի ապրանքանշանն էր: Դա հենց այնպես չէ, քանի որ 1938 թ. սկսած ընկերության ապրանքանշանը գրեթե չի փոփոխվել և կազմված է V և W տառերից, որոնք գտնվում են միմյանց վրա:

Այդ տառերի մասին մոռացել էր միայն 2%-ը: Տառերի ճիշտ դասավորվածությունը չէր հիշել մասնակիցների 17%-ը, իսկ 9%-ը պատկերել էր տառերից միայն մեկը:

Լուսանկարներ