Hyundai N ստորաբաժանումը ներկայացրել է որոշ մոդելների հնարավոր զարգացումները

Hyundai N ստորաբաժանումը ներկայացրել է որոշ մոդելների հնարավոր զարգացումները

Ուրբաթ, 3 ապրիլի, 2020 թ.

Հարավկորեական ընկերության Hyundai N ստորաբաժանումը, որը զբաղվում է «լիցքավորված» մոդելների նախագծմամբ, ներկայացրել է Palisade և Nexo քրոսովերների, ինչպես նաև Prophecy էլեկտրական կոնցեպտի հնարավոր ոճավորումը: Մեքենաների ռենդերային նկարները հրապարակվել են ըկերության պաշտոնական Instagram-էջում:

Պատկերված երեք մոդելներն էլ՝ Palisade N, Nexo N և Prophecy N, միավորված են ընդհանուր գեղագիտական լուծումներով, այն է՝ թափքի Performance Blue գույն, կարմիր գծեր թափքի ողջ երկայնքով և ագրեսիվ աերոդինամիկ տարրեր: Քրոսսովերնեը բացի այդ ունեն արտենատման չորս խողովակ, իսկ էլեկտրաական մոդելը՝ առջևի կողաթևերի «խռիկներ»: Դիզայնը իրականացված է գոյություն ունեցող N-մոդելների ոգով, սակայն շեշտադրումը կատարված է աերոդինամիկ բարելավվումների վրա:

Բնականաբար, յոթ կամ ութ նստատեղերով Hyundai Palisade-ը բավական հեռու է սպորտային քրոսսովերի կերպարից: Սերիական մոդելը սարքավորվում է 3,8-լիտրանոց մթնոլորտային V6 շարժիչով, որը զարգացնում է 295 ձ.ուժ հզորություն և 335 Նմ ոլորող մոմենտ: Այս ագրեգատը համակցվում է ութաստիճան ավտոմատ փոխանցումատուփի և HTRAC միացվող լիաքարշ համակարգի հետ: Կոմպակտ Nexo-ն աշխատում է ջրածնով: Դրա էլեկտրական շարժիչը զարգացնում է 163ձ.ուժ հզորություն և 394 Նմ ոլորող մոմենտ, իսկ հոսանքի աղբյուր են ծառայում թե վառելիքային բջիջները, թե քարշային մարտկոցը:

Hyundai Prophecy N
Hyundai Prophecy N

Hyundai Prophecy «մարգարեական» կոնցեպտը ներկայացվել է բոլորովին վերջերս: Այս էլեկտրական մոդելը հատուկ առաքելություն է կրում՝ արտացոլել ընկերության «զգայական» դիզայնի զարգացումը և սահմանել ապագա էլեկտրական մոդելների ոճավորման հետագա ուղիները: Քանի որ ավտոմեքենան ի սկզբանե նախագծվել է որպես ինքնավար մոդել, այն չունի կառավրման ավանդական օրգաններ, իսկ ղեկի փոխարեն օգատգործվում են վարորդական նստատեղի երկու կողքերից տեղադրված ջոյսթիքները:

Լուսանկարներ

Hyundai Palisade N
Hyundai Nexo N
Hyundai Nexo N
Hyundai Prophecy N
Hyundai Prophecy N