Polestar ապրանքանշանը, որը հավասար բաժնեմասերով պատկանում է շվեդական Volvo և չինական Geely ընկերություններին, Precept կոնցեպտի նոր լուսանկարներ է հրապարակել: Ինչպես նշվում է տարածված հաղորդագրության մեջ վերամշակված շշերից և ձկնորսական ցանցերից պատրաստված սրահով կոնցեպտը, ցուցադրում է ապագա մոդելների, այդ թվում Polestar 3 քրոսովերի ոճի հետագա զարգացումները:

Precept-ի վերաբերյալ առաջին մանրամասները հրապարկվել են այս տարվա փետրվարին: Շոու-կարը արտաքին չափսերով համեմատելի է 7-րդ սերիայի BMW-ի հետ, իսկ դրա անվային բազան հավասար է 3,1 մետրի, ինչը 160 միլիմետրով ավելին է, քան Volvo S90 սեդանի ցուցանիշը: Ավտոմեքենայի դիզայնը ընկերությունում բնութագրում են «աթլետիկ մինիմալիզմ» բառերով և հենց այդ կոնցեպտն էլ կկիրառվի ապագա սերիական Polestar 3 քրոսովերում:

Polestar-ում չեն ճշտում, արդյոք «ապրանքային» մոդելները ևս կստանան այն անսովոր նյութերը, որոնք կիրառվում են Precept-ի սրահում, օրինակ՝ նստատեղերի պաստառապատման համար օգտագործվող վերամշակված պլաստիկ շշերը կամ հատակի ծածկի համար օգտագործվող հին ձկնոսրական ցանցերը: Նորույթի մասին ավելի մանրամասն տեղեկություններ կհաղորդվեն միայն նորամուտից առաջ, որը նախատեսված է 2021 թվականին:

Ինչ վերաբերում է Precept-ին, ապա այն ցուցադրում է, թե որ ուղղությամբ է շարժվում Polestar-ը, ընդ որում ոչ միայն դիզայնի և էկոլոգիապես մաքուր տեխնոլոգիաների, այլև թվային լուծումների առումով: Կոնցեպտի սրահում կենտրոնական դիրք են զբաղեցնում 15-դյույմանոց ուղղաձիգ դիսփլեյը և թվային սարքավորումների 12,5-դյույմանոց վահանակը՝ ներկառուցված տեսախցիկներով ու վարորդի և ուղևորների աչքերին հետևող ցուցիչներով:

Polestar ավտոմեքենաների արտադրությունը ծավալվում է չինական Չենդու քաղաքի արդյունաբերական կենտրոնում կառուցված նոր գործարանում: Մինչև վերջերս այստեղ հավաքում էին մայն Polestar 1 մոդելը, իսկ մարտի վերջից սկսվեց նաև Polestar 2-ի արտադրությունը: Գործարանը ունակ է տարեկան արտադրել մինչև 500 000 ավտոմեքենա, որոնց մի մասը կիրացվի տեղական շուկայում, իսկ մնացածը բաժին կհասնի այլ երկների: