Կորոնավիրուսը ձևափոխել է ավտոարտադրողների ապրանքանշանները

Կորոնավիրուսը ձևափոխել է ավտոարտադրողների ապրանքանշանները

Հինգշաբթի, 2 ապրիլի, 2020 թ.

Կորոնավիրուսը արդեն հասցրել է մեծ վնաս հասցնել համաշխարհային տնտեսությանը: Առողջապահության ոլորտի մասնագետները եկել են այն եզրակացության, որ հիգիենայի կանոնները պահպանելուց բացի, պիտի պահպանվի նաև սոցիալական հեռավորությունը:


Սոցիալական հեռավորության անհրաժեշտության քարոզմանը միացան նաև ավտոարտադրողները: Mercedes-Benz, Volkswagen, Audi և Hyundai ընկերությունները որոշեցին յուրովի դա անել՝ փոխելով ապրանքանշանը:


Hyundai իր ապրանքանշանի պատկերի վրա, որը ի դեպ խորհրդանշում է երկու մարդկանց ձեռքսեղմում, ցույց է տալիս, որ այս ժամանակահատվածում որևէ մեկի ձեռք սեղմելը խորհուրդ չի տրվում:


Audi և Volkswagen իրենց հերթին որոշել են փոփոխել իրենց ապրանքանշանները, հորդորելով մարդկանց պահպանել սոցիալական հեռավորություն:

Audi-ի ապրանքանշանի չորս օղակները այլևս չեն շոշափում միմյանց, իսկ Volkswagen-ի պատկերանշանի V և W տառերի միջև առաջացել է բացատ:


Mercedes-Benz նույնպես ցուցադրել է իր ժամանակավոր ապրանքանշանը, որի եռագագաթ աստղը փոքրացել ու հեռացել է շրջանակից, խորհրդանշելով սոցիալական հեռավորության պահպանման կարևորությունը:


Այս քայլով ընկերությունները կոչ են անում մարդկանց լինել պատասխանատու և չվտագել իրենց և մյուսների առողջությունը:


Տվյալ պահին կորոնավիրուսով վարակված է շուրջ 874 հազար մարդ, վիրուսի զոհ է դարձել շուրջ 43.2 հազար մարդ: Շատ երկրներ փակել են իրենց սահմանները և կանգնեցրել ավիափոխադրումները, իսկ բնակավայրերում սահմանվել է ինքնամեկուսացում:

Լուսանկարներ