Կորոնավիրուսը մաքրել է քաղաքների օդը աղտոտումից

Կորոնավիրուսի պանդեմիան, որի հետևանքով փակվել են մի շարք ավտոսրահներ, դադարել են բազմաթիվ արտադրություններ, սահմանվել է ինքնամեկուսացման ռեժիմ բնակչության համար, ունի նաև իր դրական ազդեցությունը մոլորակի վրա: Ինչպես տեղեկացնում է Electrek պարբերականը, ավտոտրանսպորտի նվազման հետևանքով այս ժամանակահատվածում շատ արագ սկսել է մաքրվել օդը խոշոր քաղաքներում:

Արբանյակներից ստացված և արհեստական գույներով ներկայացված այս երկու նկարներում երևում է ԱՄՆ-ի արևմտյան հատվածում ազոտի երկօքսիդի պարունակությունը օդում: Նկարներն արվել են հունվարի 20-ին ու մարտի 20-ին:

Վառ օրինակ՝ Լոս-Անջելեսը, որը պատկերված է քարտեզի վրա կարմիրով: Առողջության համար վտանգավոր ազոտի երկօքսիդները, գրեթե անհետացել են: Electrek պարբերականը նաև նշում է, որ այսպիսի արդյունք կլիներ, եթե մարդիկ անցնեին էլեկտրական տրանսպորտի շահագործմանը:

2019 թ. վաճառվել է 2 264 400 էլեկրտոքար ու լիցքավորվող հիբրիդներ: Դինամիկան տարբեր տարածաշրջաններում տարբեր է: Եվրոպայում այդպիսի մեքենաների վաճառքն աճել է 44%-ով (2018 թ. համեմատ), Չինաստանում 3%-ով, իսկ Ճապոնիայում և ԱՄՆ-ում էլեկտրոքարերի վաճառքն նվազել է համապատասխանաբար 16 ու 12%-ով: 2020 թ. Եվրոպան առաջատար տեղ էր զբաղեցնում, մինչ կորոնավիրուսի պանդեմիան՝ փետրվարին էլեկտրոքարերի վաճառքն աճել էր 92%-ով, իսկ լիցքավորվող հիբրիդների՝ 153%-ով:

Այդ նույն ազոտի երկօքսիդները Նյու-Յորքում՝ հունվարի 20-ին ու մարտի 20-ին (քաղաքը գտնվում է մայրցամաքի աջ մասում):

Այս ամենի կապակցությամբ ոչ միանշանակ որոշում է կատարել ԱՄՆ կառավարությունը: Այն պլանվորում է թուլացնել մոդելային շարքի վառելիքի միջին ծախսի նվազեցման գործընթացը: ԱՄՆ-ի նախկին նախագահ Բարակ Օբաման ցանկանում էր պարտադրել ավտոարտադրող ընկերություններին նվազեցնել այն տարեկան 5%-ով: Այսինքն 2025 թ. այն կլիներ 4.32 լ/100 կմ: Դոնալդ Թրամփն էլ ցանկանում է նվազեցնել այդ շեմը՝ մինչև 1.5%, սակայն երկրի մի շարք տնտեսագետներ ասում են, որ դա վատ կանդրադառնա էլեկտրական տրանսպորտի շուկայի զարգացման վրա: