Ժնևի հանրահայտ ավտոցուցահանդեսը, որը պետք է մեկնարկեր առաջիկա օրերին, չեղարկվել է։ Պատճառը՝ կորոնավիրուսի տարածման կանխարգելումն է։

Նշենք, որ այս տարի լրանում է ցուցահանդեսի 115 ամյակը։ Ավելի քան մեկ դար առաջ հիմնադրված ցուցահանդեսը, մինչ օրս, համարվում է գլխավոր աշտոշքերթերից մեկն աշխարհում։ Ընդ որում, ցուցահանդեսին առաջին անգամ մասնակցել էին և՛ բենզինային, և՛ շոգեքարշային շարժիչներով ավտոմեքենաներ։

Մարչելլո Գանձինիի «նկարած» Montreal-ի կյանքում եղել է 3 կարևոր քաղաք. Թուրինը, որտեղ առաջին անգամ հավաքվել է ավտոմեքենան, Մոնրեալը, որտեղ 1967 թ․ ցուցադրվել է ավտոմեքենայի նախատիպը և իհարկե Ժնևը, որրտեղ 1970 թ․ ցուցադրվել է ավտոմեքենայի վերջնական տարբերակը։

Ավտոմեքենան տպավորիչ էր ինչպես արտաքինով, այնպես էլ՝ տեխնիկական հագեցվածությամբ․ 2,6 լիտր V8 շարժիչ՝ 200 ձիաուժ հզորությամբ։

1970-1977 թվականներին արտադրվել է մոտ 3900 օրինակ: Հիմա լավ վիճակում գտնվող Alfa Romeo Montreal-ը կարժենա մոտ 70-100 հազար դոլար:

Alfa Romeo Montreal-ը Մառչելլո Գանձինիի միակ նախագծած մեքենան չէր այդ ավտոցուցահանդեսում: 1970 թվականին ցուցադրվեց նաև BMW 2002 ti Garmisch-ը, որը նույնպես Գանձինիի նախագծածն էր: Այդ տարիներին նա աշխատում էր Bertone ընկերությունում: Ցավոք, ցուցահանդեսից հետո մեքենան անհետացավ, սակայն 2019 թ. BMW-ն որոշում է վերարտադրել ավտոմեքենան: Նշենք, որ ավտոմեքենան չուներ տեխնիկական առանձնահատկություններ։ Արտադրողները հիմնականում կենտրոնացել էին ավտոմեքենայի արտաքին տեսքի և ներքին հարդարանքի ձևավորմանը։

Իտալիայի հետ յուրահատուկ կապ ուներ նաև Citroen-ը, որի շարժիչներն արտադրվում էին Maserati-ի կողմից: Այդ տարիներին Maserati-ն պատկանում էր Citroen-ին ին և նրանք ստեղծեցին 2 տեխնիկապես նմանատիպ ավտոմեքենա: Առաջինը՝ երկրորդ սերնդի Maserati Quattroporte-ն ձախողվեց և արտադրվեց ընդամենը 13 օրինակով: Երկրորդը՝ Citroen SM-ն էր, որն այդ տարիներին համարվեց GT դասի լավագույն մեքենաներից մեկը, իսկ Motor Trend-ն այն անվանել էր այն 1972 թվականի լավագույն ավտոմեքենա: Այժմ աճուրդներում ժամանակ այն գնահատվում է մի քանի տասնյակ, իսկ երբեմն էլ՝ հարյուր հազար եվրո:

Ավտոմեքենայի հիդրոպնեվմատիկ թափքն ու հղկված աերոդինամիկան ապահովում էին ակուստիկ հարմարավետություն և փափուկ ընթացք։ Շարժիչի հզորությունը 170 ձիաուժ էր, որի արդյունքում մեքենան զարգացնում էր մինչև 220 կմ/ժ արագություն:

Այս տարի լրանում է նաև Ferrari 512 Modulo-ի 50-ամյակը։ Առաջին ցուցադրման ժամանակ Պաուլո Մարտինի ստեղծած ավտոմեքենան ներկայացվել է սև գույնով, սակայն որոշ ժամանակ անց այն ներկել են սպիտակ։

2014 թվականին ավտոմեքենան ձեռք է բերում հայտնի ավտոնմուշահավաք և ավտոարտադրող Ջեյմս Գլիկենհաուսը։

Ֆրանսիական Matra ընկերությունը արտադրել է մի շարք լավ ավտոմեքենաներ, որոնցից է նաև M 530-ը, որն այն ժամանակ դարձավ հայտնի Lotus Elan-ի հակառակորդը:

Հիշեցնենք, որ M 530-ը ցուցադրվել է 1967 թ., իսկ 1970 թ. ցուցադրվել է ավտոմեքենայի նոր՝ LX տարբերակը: Նոր մոդելն ստացավ V4 Ford Taunus շարժիչ՝ 78 ձիաուժ հզորությամբ:

Mercedes-Benz C111 կոնցեպտների շարքը ներառում էր 4 տարբերակ, որոնք 2019-ին նշեցին 50-ամյակը: Առաջին C111 մոդելը ներկայացվել է 1969 թ.՝ Ֆրանկֆուրտում, իսկ C111-II-ը՝ կես տարի անց՝ Ժնևում: C111-II-ը դարձել էր ոչ միայն ընկերության ամենահայտի կոնցեպտներից մեկը, այլև ամենաշատ արտադրվածներից մեկը (7 oրինակ):

Հետագայում C111-II-ն ու դրա «ժառանգները» սահմանեցին արագության մի շարք ռեկորդներ:

Ժնևում Range Rover-ը ցուցադրվեց սահմանափակ թվով հանդիսատեսի։ Հանրությանն այն ներկայացվեց միայն երեք ամիս անց։ Մինչ այդ, ավտոմեքենայի մասին գրեթե ոչինչ հայտնի չէր։ Ավելին՝ այն փորձարկվում էր Velar անվամբ։

Սկզբում ավտոմեքենան հանդես էր գալիս միայն եռադուռ տարբերակով՝ 3,5 լիտր Rover V8 շարժիչով:

Ավտոմեքենայի հինգ դուռ ունեցող տարբերակը ստեղծվեց ավելի ուշ։ Մոդելի բնօրինակն այնքան հաջող էր, որ այն արտադրվեց մինչև 1994 թ․։