Գերմանական BMW ընկերությունը լուսանկարներ է հրապարակել, որոնք արվել են աֆրիկյան Կալահարի անապատում՝ iNext էլեկտրական քրոսովերի փորձարկումների ժամանակ: Թեստավորման փուլում ոչ միայն ստուգվում են ավտոմեքենայի բոլոր համակարգերը, այլև հետազոտվում է դրա վարքը ավազի և խճաքարի վրա շարժման ժամանակ:

Սա լայնածավալ փորձարկումների ընդամենը մի մասն է: Բացի Կալահարիից մեքենայի փորձարկումները իրականացվում են Շվեդիայի սառցեպատ տարածքներում, ինչպես նաև հանրահայտ Նյուրբուրգռինգ մրցուղում: Աֆրիկյան մայրցամաքում էլեկտրական քրոսովերը կենթարկվի ջերմաստիճանների խիստ տատանումների, ինչպես նաև կհաղթահարի հազարավոր կիլոմետրեր ավազի և գրունտային ճանապարհների վրայով: Սա անհրաժետ է հովացման համակարգերը, ինչպես նաև սրահի հերմետիկությունը ստուգելու համար:

Սերիական iNext-ի մասին հայտնի է, որ այն արտաքին չափսերով համեմատելի է լինելու X5-ի հետ և մեկ ամբողջական լիցքավորումով ունակ կլինի հաղթահարել մինչև 600 կմ WLTP ցիկլում: Բացի այդ նոր էլեկտրական քրոսովերը կսարքավորվի երրորդ աստիճնի ինքնավար համակարգով, ինչպես դա արվում է Tesla-ի մոդելներում: Ակնկալվում է, որ BMW iNext-ի սերիայան արտադրության սկիզբը կտրվի 2021 թվականին գերմանական Դինգոլֆինգ քաղաքում գտնվող գործարանում:

Հիշեցնենք, որ անցյալ տարի BMW-ն ցուցադրել էր, թե ինչպես են Մյունխենի գործարանի առանձնացված հոսքագծի վրա հավաքվում iNext-ի նախասերիական տարբերակները: Փորձնական խմբաքանակը բաղկացած էր 100 օրինակից: